నాన్చితే నష్టమే
ప్రధానికి గవర్నర్ నివేదిక
October 9th, 2011
న్యూఢిల్లీ, అక్టోబర్ 8: ప్రత్యేక తెలంగాణ ఏర్పాటు వివాదంపై కేంద్ర ప్రభుత్వం వీలైనంత
త్వరగా నిర్ణయం తీసుకోవటం మంచిదని రాష్ట్ర గవర్నర్ నరసింహన్ ప్రధాని
మన్మోహన్ సింగ్, హోంమంత్రి పి చిదంబరానికి అందించిన నివేదికలో స్పష్టం
చేసినట్టు తెలిసింది. తెలంగాణలో పరిస్థితి రోజురోజుకు విషమిస్తోందని, ఈ పరిస్థితులు
ఇలాగే కొనసాగనిస్తే తీవ్ర పరిణామాలు ఎదురవుతాయని నివేదికలో పేర్కొన్నట్టు
చెబుతున్నారు. సకల జనుల సమ్మె మూలంగా రాష్ట్ర ఖజానాకు కనీసం పదిహేను
వందల కోట్ల రూపాయల నష్టం వాటిల్లిందని ఆయన నివేదికలో చెప్పినట్టు తెలిసింది.
సింగరేణి కార్మికుల సమ్మె మూలంగా రాష్ట్రంలో విద్యుత్ సంక్షోభం నెలకొంది.
దీనిమూలంగా ప్రజలు, ముఖ్యంగా రైతాంగం తీవ్ర ఇబ్బందులకు గురవుతున్నట్టు
నివేదికలో వివరించారు. సిమెంట్ కార్మాగారాలు మూతపడుతున్నాయి. ఇతర
పరిశ్రమలపై తీవ్ర ప్రభావం పడుతోందని ఆయన తమ నివేదికలో పేర్కొన్నారు.
అబ్కారీ సిబ్బంది సమ్మె మూలంగా రాష్ట్ర ఆదాయం బాగా పడిపోయిందని, దీనివల్ల
అభివృద్ధి పథకాల అమలుకు నిధుల కొరత ఏర్పడుతోందని కూడా గవర్నర్ తమ
నివేదికలో స్పష్టం చేశారని అంటున్నారు. రాష్ట్ర రోడ్డు రవాణా సంస్థ సిబ్బంది
పూర్తిస్థాయిలో సమ్మెలో పాల్గొనటం వలన రవాణా వ్యవస్థ పూర్తిగా
స్తంభించిపోయిందని నరసింహన్ వివరించినట్టు తెలిసింది. సకల జనుల సమ్మె
ప్రారంభమై నేటికి ఇరవై ఆరు రోజులు అవుతున్నా ఎక్కడా హింసాత్మక చర్యలు
లేకపోవటం గురించి ఆయన ప్రత్యేకంగా వివరించారని అంటున్నారు. తెలంగాణలో
పరిపాలన పూర్తిగా స్తంభించిపోయిందని ఆయన చెప్పారని అంటున్నారు. నరసింహన్
శనివారం మన్మోహన్ సింగ్‌తోపాటు పలువురు కేంద్ర మంత్రులను కలిసి ప్రత్యేక
తెలంగాణ కోసం జరుగుతున్న ఉద్యమం ముఖ్యంగా గత ఇరవై ఆరు రోజుల నుంచి
జరుగుతున్న సకల జనుల సమ్మెపై వివరించారు. మన్మోహన్ సింగ్‌తోపాటు రాష్ట్ర
వ్యవహారాల ఇంచార్జ్ గులాం నబీ ఆజాద్, హోంమంత్రి పి చిదంబం, పెట్రోలియం
మంత్రి ఎస్ జైపాల్‌రెడ్డి, రక్షణ మంత్రి ఏకె ఆంటోని, లోక్‌సభ నాయకుడు, ఆర్థిక మంత్రి
ప్రణబ్ ముఖర్జీని విడివిడిగా కలిసి తెలంగాణలో ప్రత్యేక రాష్ట్రం కోసం ఉధృతంగా
కొనసాగుతున్న సమ్మె తీవ్రతపై తమ వాదన వినిపించారు. నరసింహన్ గత రాత్రి
అంటే శుక్రవారం రాత్రి పది గంటల ప్రాంతంలో రాష్ట్ర వ్యవహారాల ఇంచార్జ్, కేంద్ర వైద్య
ఆరోగ్య మంత్రి గులాం నబీ ఆజాద్‌ను కలిసి తెలంగాణాలో నెలకొన్న పరిస్థితిని
వివరించారు. ఆయన శనివారం ఉదయం పది గంటలకు చిదంబరంతో సమావేశమై
తెలంగాణలో నెలకొన్న పరిస్థితులపై నివేదిక అందించారు. తదనంతరం ఆయన 7,
ఆర్‌సిఆర్‌కు వెళ్లి మన్మోహన్‌తో దాదాపు అర్థగంట పాటు తెలంగాణ ఉద్యమాన్ని
వివరించి, నివేదిక అందించారు. తరువాత రక్షణ మంత్రి ఆంటోని, ఆర్థిక మంత్రి ప్రణబ్
ముఖర్జీ, జైపాల్‌రెడ్డిని కలిసి తెలంగాణలో నెలకొన్న పరిస్థితులను వివరించారు.
రాష్ట్రంలో రాష్టప్రతి పరిపాలన విధిస్తారన్న అభిప్రాయం, అపోహలు మీడియాకు
ఎందుకు కలుగుతున్నాయో అర్థం కావటం లేదని విలేకరులపై చలోక్తి విసిరారు.
ప్రణబ్ ముఖర్జీని కలిసిన అనంతరం నరసింహన్ తనను కలిసిన మీడియాతో
మాట్లాడుతూ రాష్ట్రంలో ప్రజలు ఎన్నుకున్న ప్రభుత్వం ఉన్నదని గుర్తు చేశారు.
తెలంగాణలో సకల జనుల సమ్మె జరుగుతోంది. శాంతి భద్రతల పరిస్థితి
సంతృప్తికరంగానే ఉన్నది. ఎట్టి పరిస్థితినైనా ఎదుర్కొనగల శక్తి, సామర్థ్యాలు రాష్ట్ర
ప్రభుత్వానికి ఉన్నాయని గవర్నర్ వ్యాఖ్యానించారు. కేంద్ర ప్రభుత్వం తనకు ఎలాంటి
సూచనలు చేయలేదన్నారు. తెలంగాణ ఏర్పాటుకు సంబంధించి కాల పరిమితి
విషయమై తనకు ఎలాంటి ఆలోచన లేదని నరసింహన్ చెప్పారు. తాను ఢిల్లీకి
రావటం యాదృచ్ఛికం అని ఆయన వ్యాఖ్యానించటం గమనార్హం. సమస్యను
పరిష్కరించటంలో అలస్యం జరుగుతోందన్న అభిప్రాయం తనకు ఉన్నదని ఆయన
తెలిపారు.
**********************************************************************************************
త్వరలో పరిష్కారం
అది అందరికీ ఆమోదయోగ్యం
రాష్ట్రాభివృద్ధికి సహకరించేలా కేంద్ర నిర్ణయం
సమ్మె విరమణపై జేఏసీ నేతలతో చర్చిస్తా!
తెలంగాణపై సీఎం కిరణ్
తెలంగాణపై సీఎం కిరణ్
న్యూఢిల్లీ, అక్టోబర్ 8 : రాష్ట్రంలోని పరిస్థితులపై త్వరలో అందరికీ ఆమోదయోగ్యమైన పరిష్కారం లభిస్తుందని రాష్ట్ర ముఖ్యమంత్రి కిరణ్‌కుమార్ రెడ్డి అన్నారు. కాంగ్రెస్ మినీ కోర్ గ్రూప్‌తో శనివారం సమావేశమైన సీఎం సాయంత్రం ఇక్కడి నుంచి హైదరాబాద్ తిరిగి వెళ్లే ముందు మీడియాతో మాట్లాడారు. "కేంద్ర నాయకత్వం తెలంగాణపై త్వరలోనే నిర్ణయం ప్రకటిస్తుంది. ఆ నిర్ణయం ఇరు పక్షాలకూ ఆమోదయోగ్యంగానూ రాష్ట్ర ప్రభుత్వానికి లాభించేలా, ప్రజల అభివృద్ధికి సహకరించేలా ఉంటుంది'' అన్నారు.
తెలంగాణ సమస్య ఎప్పటి నుంచో ఉందని గుర్తుచేశారు. ఉద్యమం నేపథ్యంలో దీనిపై కేంద్ర నాయకులు చర్చలు జరుపుతున్నారని, వీలైనంత త్వరగా వారు దీనిని పరిష్కరిస్తారని తెలిపారు. రాష్ట్ర ప్రస్తుత పరిస్థితిని, ప్రజల ఆకాంక్షల్ని పార్టీ పెద్దలకు తాను వివరించానన్నారు. కేంద్ర నాయకులతో తాను మాట్లాడిన విషయాలను మీడియాకు చెప్పలేనని స్పష్టం చేశారు.
సకల జనుల సమ్మెను విరమించాలని ఇప్పటికే పలు మార్లు విజ్ఞప్తి చేశామని, హైదరాబాద్ వెళ్లాక తాను మరొకమారు జేఏసీ నాయకులతో మాట్లాడతానని చెప్పారు. రాష్ట్రంలో రాష్ట్రపతి పాలన విధించే అవకాశాలను సీఎం తోసిపుచ్చారు. "రాష్ట్రపతి పాలన ఎందుకు వస్తుంది? రాష్ట్రపతి పాలన ఎలా వస్తుంది? రాష్ట్రపతి పాలనకు నిబంధనలేంటి? నాకు తెలీదు. మీరు తెలియజేయండి'' అంటూ విలేకరులను సీఎం ఎదురు ప్రశ్నించారు.
త్వరగా తేల్చాలి!
కాగా.. తెలంగాణ విషయంలో త్వరగా తేల్సాల్సిన అవసరం ఉన్నదని కోర్ కమిటీ సభ్యులకు సీఎం కిరణ్ చెప్పినట్లు తెలిసింది. అధిష్ఠానం ఏ నిర్ణయం తీసుకున్నా రాష్ట్ర ముఖ్యమంత్రిగా అమలు చేయాల్సిన బాధ్యత తనపై ఉన్నదని ఆయన చెప్పారు. ఈ సమస్యను రాజకీయంగా, కేంద్ర స్థాయిలో పరిష్కరించాల్సి ఉన్నదని తాను ప్రజలకు చెబుతూ వస్తున్నానని ఆయన చెప్పారు.
తెలంగాణ పట్ల సానుకూలంగా వ్యవహరిస్తే ఎదురయ్యే రాజకీయ పర్యవసానాలను కూడా ఎదుర్కొనేందుకు సిద్దంగా ఉండాలని ఆయన అన్నట్లు తెలింది. ఏ నిర్ణయమైనా అధిష్ఠానం అన్నిటినీ దృష్టిలో ఉంచుకుని తీసుకుంటుందనే విశ్వాసం తనకున్నదని ఆయన తెలిపారు. సుదీర్ఘంగా సమ్మె జరుగుతున్నా రాష్ట్రంలో శాంతి భద్రతల పరిస్థితి తలెత్తకుండా చూస్తున్నానని ఆయన చెప్పినట్లు తెలిసింది.
అభివృద్ధి కార్యక్రమాలపట్ల జనం ప్రతిస్పందన సానుకూలంగా ఉన్నదని, ఇన్ని పరిణామాలు జరుగుతున్నా, కాంగ్రెస్ బలం ఏ మాత్రం క్షీణించ లేదని ఆయన వివరించినట్లు విశ్వసనీయవర్గాలు తెలిపాయి. ఎన్నికలకు ఇంకా రెండేళ్లకు పైగా సమయం ఉన్నదని, ఈ లోపే ఒక నిర్ణయం తీసుకుంటే.. రెండేళ్లలో అన్నీ చక్కబడతాయని ఆయన అభిప్రాయపడ్డట్లు తెలిసింది.
తెలంగాణ సమస్య ఎప్పటి నుంచో ఉందని గుర్తుచేశారు. ఉద్యమం నేపథ్యంలో దీనిపై కేంద్ర నాయకులు చర్చలు జరుపుతున్నారని, వీలైనంత త్వరగా వారు దీనిని పరిష్కరిస్తారని తెలిపారు. రాష్ట్ర ప్రస్తుత పరిస్థితిని, ప్రజల ఆకాంక్షల్ని పార్టీ పెద్దలకు తాను వివరించానన్నారు. కేంద్ర నాయకులతో తాను మాట్లాడిన విషయాలను మీడియాకు చెప్పలేనని స్పష్టం చేశారు.
సకల జనుల సమ్మెను విరమించాలని ఇప్పటికే పలు మార్లు విజ్ఞప్తి చేశామని, హైదరాబాద్ వెళ్లాక తాను మరొకమారు జేఏసీ నాయకులతో మాట్లాడతానని చెప్పారు. రాష్ట్రంలో రాష్ట్రపతి పాలన విధించే అవకాశాలను సీఎం తోసిపుచ్చారు. "రాష్ట్రపతి పాలన ఎందుకు వస్తుంది? రాష్ట్రపతి పాలన ఎలా వస్తుంది? రాష్ట్రపతి పాలనకు నిబంధనలేంటి? నాకు తెలీదు. మీరు తెలియజేయండి'' అంటూ విలేకరులను సీఎం ఎదురు ప్రశ్నించారు.
త్వరగా తేల్చాలి!
కాగా.. తెలంగాణ విషయంలో త్వరగా తేల్సాల్సిన అవసరం ఉన్నదని కోర్ కమిటీ సభ్యులకు సీఎం కిరణ్ చెప్పినట్లు తెలిసింది. అధిష్ఠానం ఏ నిర్ణయం తీసుకున్నా రాష్ట్ర ముఖ్యమంత్రిగా అమలు చేయాల్సిన బాధ్యత తనపై ఉన్నదని ఆయన చెప్పారు. ఈ సమస్యను రాజకీయంగా, కేంద్ర స్థాయిలో పరిష్కరించాల్సి ఉన్నదని తాను ప్రజలకు చెబుతూ వస్తున్నానని ఆయన చెప్పారు.
తెలంగాణ పట్ల సానుకూలంగా వ్యవహరిస్తే ఎదురయ్యే రాజకీయ పర్యవసానాలను కూడా ఎదుర్కొనేందుకు సిద్దంగా ఉండాలని ఆయన అన్నట్లు తెలింది. ఏ నిర్ణయమైనా అధిష్ఠానం అన్నిటినీ దృష్టిలో ఉంచుకుని తీసుకుంటుందనే విశ్వాసం తనకున్నదని ఆయన తెలిపారు. సుదీర్ఘంగా సమ్మె జరుగుతున్నా రాష్ట్రంలో శాంతి భద్రతల పరిస్థితి తలెత్తకుండా చూస్తున్నానని ఆయన చెప్పినట్లు తెలిసింది.
అభివృద్ధి కార్యక్రమాలపట్ల జనం ప్రతిస్పందన సానుకూలంగా ఉన్నదని, ఇన్ని పరిణామాలు జరుగుతున్నా, కాంగ్రెస్ బలం ఏ మాత్రం క్షీణించ లేదని ఆయన వివరించినట్లు విశ్వసనీయవర్గాలు తెలిపాయి. ఎన్నికలకు ఇంకా రెండేళ్లకు పైగా సమయం ఉన్నదని, ఈ లోపే ఒక నిర్ణయం తీసుకుంటే.. రెండేళ్లలో అన్నీ చక్కబడతాయని ఆయన అభిప్రాయపడ్డట్లు తెలిసింది.
************************************************************************************************************
కిరణ్ భుజస్కంధాల మీద కొండంత భారం సమ్మె ఆపండి !
(సూర్య ప్రధాన ప్రతినిధి)రాష్ట్ర ప్రభుత్వాన్ని సమస్యల సుడిగుండంలోకి నెట్టిన సకల జనుల సమ్మెకు పరిష్కారమార్గాన్ని అన్వేషించి, సుఖాంతం చేసే వ్యవహారాన్ని కాంగ్రెస్ నాయకత్వం ముఖ్యమంత్రి కిరణ్‌కుమార్‌రెడ్డి భుజస్కంధాలపైనే పెట్టింది. శనివారం ఢిల్లీకి వెళ్లిన ముఖ్యమంత్రి నల్లారి కిరణ్‌కుమార్‌రెడ్డి, పీసీసీ అధ్య క్షుడు బొత్స సత్యనారాయణకు పాలన-పార్టీ వ్యవహారా లపై దిశానిర్దేశం చేసినట్లు తెలిసింది. ప్రధానంగా.. రాష్ట్రం లో శాంతిభద్రతల విషయంలో అత్యంత కఠినంగా వ్యవహ రించాలని, ఆ విషయంలో గవర్నర్‌తో సమన్వయం చేసుకోవా లని కోర్‌కమిటీ పెద్దలు సూచించినట్లు పార్టీ వర్గాలు చెబుతు న్నాయి. అదే సమయంలో ఇప్పట్లో రాష్టప్రతి పాలన లేనట్లేనంటు న్నారు. విశ్వసనీయ సమాచారం ప్రకారం...అధిష్ఠానం పిలుపు మేర కు ఢిల్లీకి వెళ్లిన ముఖ్యమంత్రి, పీసీసీ అధ్యక్షుడికి ప్రణబ్, ఆజాద్ కొన్ని మార్గదర్శకాలు సూచించింది. రాష్ట్రంలో ప్రభుత్వా నికి, పార్టీకి ఇబ్బందికరంగా పరిణమించిన సకల జనుల సమ్మె జరుగు తున్న తీరుపై చర్చ జరిగింది. ఉద్యోగులు ముఖ్యమంత్రికి వ్యతిరేకంగా ఉన్న విషయాన్ని వారు కిరణ్ దృష్టికి తీసుకురాగా.. తన ప్రభుత్వం అనేక సార్లు వారితో చర్చలు జరిపిందని, తనకు వారిపై ఎలాంటి వ్యతిరేకత లేదన్నారు. రాష్ట్ర ప్రభుత్వ పరిథిలో లేని విషయాలపై వారు తమ నుంచి హామీ ఆశిస్తున్నందున తాను ఏమి హామీ ఇవ్వగలనని కిరణ్ వారి వద్ద వ్యాఖ్యానించినట్లు సమాచారం. తాను ఎలాంటి నివేదికలు పంపించ లేదని, ఆ పేరుతో దుష్ర్పచారం చేసి, ప్రజల్లో వ్యతి రేక భావన పెంచేందుకు తెరవెనుక జరుగుతున్న ప్రయత్నాలను ఆయన వారికి వివరించారు.
దానికి స్పందించిన వారిద్దరూ సమ్మెకు సంబంధించిన పూర్తి వివరాలు తమ వద్ద ఉన్నాయన్నారు. ప్రజలు ఇబ్బంది పడకుండా ఎదుర్కోవాలని, ఆ విషయంలో వెనక్కి తగ్గవద్దని, వెనక్కి తగ్గినా, మౌనంగా ఉన్నా ప్రభుత్వానికి, పార్టీకి చెడ్డపేరు వస్తుందని సీఎంకు స్పష్టం చేశారు. రాష్ట్రంలో ముందు శాంతిభ ద్రతలు చక్కదిద్దాలని, ఆ బాధ్యత మీరే తీసుకోవాలన్నారు. ప్రజలకు, ప్రజలు-ప్రభుత్వ ఆస్తులకు రక్షణ కల్పించాల్సిన బాధ్యత ప్రభుత్వానిదేనన్నారు. అందులో గవర్నర్ దిశానిర్దేశాలు తీసుకోవాలని, పోలీసులకు స్వేచ్ఛ ఇవ్వాలని సూచించినట్లు చెబుతున్నారు.
అదే సమయంలో సమ్మెను విరమించేలా చూడాలని, ఆ బాధ్యత కూడా మీరే తీసుకోవాలని సీఎంకు స్పష్టం చేశారు. ఆ తర్వాత సాయంత్రం తమను కలిసిన పీసీసీ అధ్యక్షుడు బొత్స సత్యనారాయణకు సైతం కోర్‌కమిటీ సభ్యులు కీలకమైన మార్గదర్శకాలు సూచించారు. సంప్రదింపులు జరుగుతున్న సమయంలో రెండు ప్రాంతాలకు చెందిన నేతలు ఎలాంటి రెచ్చగొట్ట ప్రకటనలు చేయకుండా సంయమనం వహించే బాధ్యత మీదేనని స్పష్టం చేశారు. రాష్ట్రానికి సంబంధించి పార్టీ నాయకత్వం, కేంద్రం ఎలాంటి నిర్ణయం తీసుకున్నా దానికి నాయకులంతా కట్టుబడి ఉండేలా నాయకులను ఒప్పించే బాధ్యత కూడా మీదేనని విస్పష్టంగా చెప్పినట్లు సమాచారం.
కాగా.. తాజా పరిణామాలు పరిశీలిస్తే, ఇప్పట్లో రాష్టప్రతిపాలన రావటం అసాధ్యమని స్పష్టమయిపోయింది. గవర్నర్ సైతం ప్రజాప్రభుత్వం సమర్థవంత ంగా పనిచేస్తుందని కితాబిచ్చారు. ముఖ్యమంత్రి కూడా రాష్టప్రతి పాలన పెట్టవలసిన అవసరం ఏమిటని, దానికి ప్రాతిపదిక ఏమిటని ప్రశ్నించారు. కీలక నేత ఆజాద్ కూడా రాష్ట్రంలో రాష్టప్రతిపాలన పెట్టవలసిన అవసరం గానీ, అలాంటి పరిస్థితి కూడా లేదని చెప్పడంతో.. ఇప్పటివరకూ రాష్టప్రతి పాలనపై వచ్చిన ఊహాగానాలకు తెరపడినట్టయింది. అయితే.. అంతకుముందు.. మినీకోర్‌ కమిటీలో జరిగిన చర్చలో రాష్టప్రతి పాలన వల్ల పార్టీకి వచ్చే లాభనష్టాలను బేరీజు వేసినట్లు సమాచారం. శాంతిభద్రతకు ప్రాధాన్యం ఇవ్వాలని, అరాచకశక్తులు, ప్రభుత్వ-ప్రైవేటు ఆస్తులకు నష్టం వాటిల్లచేసే శక్తులను ఉక్కుపాదంతో అణచివేయాలని సీఎంకు ఆదేశించారు. కేంద్రం కూడా అదనపు బలగాలు పంపిస్తోందని చెప్పారు.*************************************************************************************************************
ఢిల్లీలో గరం 'టీ' | |
|
న్యూఢిల్లీ/హైదరాబాద్, న్యూస్‌లైన్: తెలంగాణ అంశంపై హస్తినలో రాజకీయం వేడెక్కింది. కాంగ్రెస్ అగ్ర నాయకత్వం పార్టీ రాష్ట్ర నాయకులతో శనివారం రోజంతా చర్చలు, సంప్రదింపుల్లో తల మునకలైంది. రాష్ట్ర గవర్నర్ కూడా ప్రధానమంత్రితో పాటు ప్రభుత్వ పెద్దలను కలిసి రాష్ట్రంలో పరిస్థితిని వివరిస్తూ నివేదికలు అందజేశారు. మొత్తంమీద.. ఒకటి రెండు రోజుల్లో కీలక నిర్ణయం తీసుకునే దిశగా ఢిల్లీ చర్చలు నడిచాయి. సోమవారం కూడా రాష్ట్రానికి చెందిన మరికొందరు నేతలతో మాట్లాడిన తర్వాత కీలక ప్రకటన వెలువడే అవకాశముందని పరిశీలకులు భావిస్తున్నారు. తెలంగాణలో సకల జనుల సమ్మె కారణంగా ఒత్తిడి తీవ్రంగా పెరుగుతుండటంతో.. ఈ సమస్యను పరిష్కరించే బాధ్యతను కాంగ్రెస్‌లో అనుభవజ్ఞుడుగా పేరొందిన ఆర్థికమంత్రి ప్రణబ్‌ముఖర్జీకి అప్పగించటం.. ఆయన శుక్రవారం రంగంలోకి దిగి పార్టీ అధ్యక్షురాలు, ప్రధానమంత్రి, కేబినెట్ సహచరులతో విడివిడిగా సమావేశమై సమాలోచనలు జరపటం తెలిసిందే. దానికి కొనసాగింపుగా ప్రణబ్ సారథ్యంలోని కాంగ్రెస్ అగ్రనాయకుల బృందం.. శనివారం రాష్ట్ర గవర్నర్, ముఖ్యమంత్రి, ఉప ముఖ్యమంత్రి, పీసీసీ అధ్యక్షుడు, రాష్ట్రానికి చెందిన కేంద్ర మంత్రులు మొత్తం తొమ్మిది మంది ముఖ్యులను పిలిపించుకుని వారితో వేర్వేరుగా సంప్రదింపులు జరిపింది.
న్యూఢిల్లీ, న్యూస్‌లైన్: తెలంగాణపై సంప్రదింపుల ప్రక్రియ కొనసాగుతోందని కేంద్ర ఆర్థిక మంత్రి ప్రణబ్ ముఖర్జీ చెప్పారు. దాన్ని సోమవారానికల్లా పూర్తి చేయగమలని భావిస్తున్నామన్నారు. అయితే నిర్ణయాన్ని మాత్రం ఇప్పటికిప్పుడు చెప్పలేనన్నారు. కాంగ్రెస్ సీనియర్ నేతలతో శనివారం తన కార్యాలయంలో రెండు విడతలుగా సంప్రదింపులు జరిపాక విలేకరులతో మాట్లాడిన ఆయన... యూపీఏ భాగస్వామ్య పక్షాలతోనూ చర్చిస్తారా అన్న ప్రశ్నకు బదులివ్వకుండానే వెళ్లిపోయారు.
No comments:
Post a Comment