ప్రధానమంత్రిపై భ్రమలు కోల్పోయిన మధ్యతరగతి
-ఎస్‌.కె.మిట్టల్‌
మూణ్ణాళ్ళ ముచ్చట ముగిసింది. మన్మోహన్‌సింగ్‌ ప్రభుత్వం తన సాలెగూటిలో తానే చిక్కుకుంది. అదిప్పుడు అసలైన పరీక్ష నెదుర్కొంటోంది. తనను బలపరచే ఒక కీలకమైన వర్గం మధ్యతరగతి. ఢిల్లీలో రాంలీలా మైదానంలో అన్నాహజారే నిరశన నేపథ్యం లో, తనకు దూరమైంది. యువసాంకేతిక నిపుణులు పెద్ద సంఖ్యలో ఈ ఉద్యమంలో పాల్గొన్నారు. వీరే ఒకప్పుడు మన్మోహన్‌ను గొప్ప సంస్కరణవాదిగా ఒక పెద్ద హీరోగా ప్రశంసలు కురిపించారు. కొద్ది కాలం లోనే వారి కలలు కల్లలైపోయాయి. నిరుద్యోగం, ధరల పెరుగుదల, అవినీతి ఆయనకున్న ప్రకాశాన్ని లాక్కుపోయాయి. మార్కెట్‌ ఆర్థిక వ్యవస్థను ఆచరణ లోకి తెచ్చేవ్యక్తి ప్రతిష్ట మసకబారడం ప్రారంభ మైంది. యుపిఏకి చెందిన మంత్రివర్గ సభ్యులకు తమసొంత ఎజెండాలున్నాయి. ప్రభుత్వ, పార్టీ ప్రయోజనాలను గాలికొదిలేసి తమ స్వప్రయోజ నాలను చూసుకుంటు న్నారు. ఎల్లెడలాగందరగోళం నెలకొంటోంది. నిరసన కారులను అదుపుచేయడంలో పాలకుల ప్రయత్నాలు విఫలమౌతున్నాయి.
యువగాంధీ, ఆయన బృందం పరిస్థితిని అర్థం చేసుకోవడంలో దారుణంగా విఫలమయ్యారు. ఈ గందరగోళం నుండి బయటపడేందుకు అవసరమైన నాయకత్వాన్ని అందించలేకపోయారు. అత్యుత్సాహం గల ఈ నాయకత్వానికి సంక్షోభం నుండి బయటపడే మార్గం కనిపించలేదు. ఉద్యమనాయకత్వంలో చీలికలు తెచ్చే లేదా వారిలో కొందరిని దగ్గరకు చేర్చుకునే పాతపద్ధతులనే అనుసరించారు. యువరాజు చుట్టూ ఆయనకు ఆపాదించే గొప్పగొప్ప అంశాలు ఏమాత్రం తోడ్పడకపోగా ఒక మార్గాంతరాన్ని కనుగొనగలిగే రాజకీయ నాయకుడికుండాల్సిన ప్రాథమిక లక్షణాలు కూడా ఆయనకు లేవని స్పష్టమై పోవడంతో వారి కష్టాలు మరింతగా ఎక్కువైపోయాయి నాయకులు భారీ కటౌట్లు, ఎప్పుడూ కెమెరాలు ఉండడం, భారీ ప్రచారం తో తయారు కాలేరు. సాధారణంగా కనబడుతూ ప్రజలతో మమేకం కావడం విజ్ఞతతో వ్యవహరించడం నాయకత్వలక్షణం. కాంగ్రెస్‌లోని యువబృందం రాజకీయ కుటుంబాల నుండి వచ్చిన వారు. వారికి పునాది మద్దతు లేదు. ప్రజానాయకులుగా ఎదిగే లక్షణాలు లేవు. రాజకీయరంగంలో వారు నిలదొక్కు కోవాలంటే, వారు ప్రజలవద్దకు వెళ్ళాలి, కష్టించి పనిచేయాలి. వారి ఆదరాభిమానాలు పొందాలి.
ఢిల్లీలో బాంబుపేలుళ్ళ సందర్భంగా గాయపడిన వారిని పరామర్శించేందుకు వారికి సానుభూతి తెలి పేందుకు ఎప్పటిలాగే ముసలికన్నీరు కారుస్తూ వెళ్ళి నప్పుడు న్యూఢిల్లీ హాస్పిటల్‌ వద్ద రాహుల్‌గాంధీ ఛీత్కారాలను ఎదుర్కోవలసివచ్చింది. ఆయన సహాయక చర్యలకు మార్గదర్శకత్వం వహించి
ఉండాల్సింది. అలాగే దర్యాప్తు సంస్థలను మరింత నిఘాతో వ్యవహరిస్తూ ఫలితాలు సాధించేదిగా ఉం డేందుకు హోంమంత్రిని వాటిని ఒక సక్రమమైన మార్గంలో పెట్టమని కోరి ఉండాల్సింది. ఇప్పటివరకు ఎలాంటి స్పష్టమైన ఫలితాలు కనబడలేదు. వివిధ డిపార్ట్‌మెంట్లు చీకటిలో తడుములాడుకుంటున్నాయి. ఎంతో ఆర్భాటంగా ప్రకటించిన జాతీయ దర్యాప్తు సంస్థ (ఎన్‌ఐఏ)ను ప్రస్తుతమున్న సంస్థల నుండే రూపొందించారు. అది ఉన్నతస్థాయి పోస్టుల ను సృష్టించేందుకే ఉపయోగపడింది. వాటిని ఇప్పు డున్న అధికారులతోనే భర్తీ చేయడం జరిగింది. సిబిఐ, పోలీసు, ఎన్‌ఐఏలు అన్నీ ఒకే పనిమీద వుంటూ గందరగోళం సృష్టిస్తున్నాయి. వాటి విధులను స్పష్టంగా నిర్వచించలేదు. బాధ్యతలను నిర్ధారించలేదు. పౌరు లకు రక్షణ కల్పించడంలో ప్రభుత్వం పూర్తిగా విఫలమైంది. యుపిఏ-2 సమస్యల్లో కొట్టుమిట్టాడు తుంటే, ప్రధానప్రతిపక్ష పార్టీ అయిన బిజెపి తన సొంత ఎజెండాను ఆచరణలో పెడుతోంది. దాని సీనియర్‌నాయకుడు ఎల్‌కె.అద్వానీ అక్టోబరు నుండి రథయాత్ర ప్రారంభించేందుకు రంగం సిద్ధంచేసు కొంటున్నారు. అది త్వరలో జరుగనున్న రాష్ట్ర శాసనసభా ఎన్నికలలో ఓట్లు రాబట్టుకునేందుకు, 2014లో జరిగే లోక్‌సభకుజరిగే ఎన్నికలలో తనను తాను ప్రధాన మంత్రి పదవి అభ్యర్థిగా ప్రదర్శించేందుకు ఉద్దేశించబడింది. అయితే తాను ప్రధానమంత్రి అభ్యర్థికానని ఆయన ప్రకటనలు చేసినప్పటికీ అంతిమలక్ష్యం అదేనని ఆర్‌ఎస్‌ఎస్‌ వర్గాలకూ తెలుసు. పరివార్‌కు సంబంధించి తనే సుప్రీం నాయకుడినని ప్రదర్శించుకునేందుకు ఆయన ఎత్తుగడలు అనేకమంది ఆశావహులను నిరుత్సాహపరుస్తోంది. పార్టీలో ఒక రకమైన అంతర్యుద్ధం మొదలైంది. ఆర్‌ఎస్‌ఎస్‌, ఆయన పట్ల సుముఖంగా లేదు. అది ఒక యువనాయకుడి పట్ల మొగ్గు చూపించవచ్చు. నరేంద్రమోడీి కూడా కేంద్రం లో అధికారం కోసం జరిగే పోరులో తన అదృష్టాన్ని పరీక్షించుకొంటున్నారు. ఆయన కూడా ఇటీవలనే నిరశన దీక్ష చేశారు. ఇప్పటికే ఉభయసభల్లోని ప్రతిపక్ష నాయకులు ప్రధాని పదవికోసం రంగంలో వున్నారు. అదృష్టం తమను వరించవచ్చునని ఆశిస్తున్నారు. అయితే అలాంటి అవకాశం కనిపించటం లేదు. ఎందుకంటే, ఈ రోజున కాషాయపరివార్‌కు ఇలా అదృష్టం తెచ్చిపెట్టే శక్తులు అతం అనుకూలంగా లేవు.
ఏం జరగబోతుందన్నది ఇప్పుడే చెప్పడం తొందరపాటే అవుతుంది. ఇతర రాజకీయ శక్తులు కూడా తమ అదృష్టాన్ని కూడగట్టుకుంటూ పై యిద్దరు ప్రధాన పాత్రదారులకు అది దక్కకుండా చేయాలని చూస్తున్నాయి. ఏది ఏమైనా రానున్న రోజులు పాలకవర్గాలకు మరింత గందరగోళంగానే ఉండవచ్చు.
No comments:
Post a Comment